Հավաստագրեր և դիպլոմներ ստաբուլահայ ճարտարապետներին

Փետրվարի 6-ին Ստամբուլի Ֆէրիգյուղի Նազար Շիրինօղլու սրահում տեղի ունեցավ 2014 թվականի հոկտեմբերին ՀՀ Քաղաքաշինության նախարարության կողմից կազմակերպված <<Երևանյան ճարտարապետական Բիեննլե-2014>> համահայկական մրցույթ-ցուցահանդեսի ստամբուլահայ ճարտարապետների հավաստագրերի և դիպլոմների հանձնումը: Դիպլոմները հանձնեց <<Երևանյան ճարտարապետական Բիեննլե-2014>> համահայկական մրցույթ-ցուցահանդեսի հանձնակատար, ճարտարապետության ազգային թանգարան-ինստիտուտի տնօրեն՝ Աշոտ Հայկազուն Գրիգորյանը: Հավաստագրեր և դիպլոմներ ստացան ստամբուլահայ ճարտարապետներ Ալին Պոնթիօղլուն՝ 3-րդ կարգի դիպլոմ <<Պատմամշակութային հուշարձանների վերականգնում>> անվանակարգում <<Ղարս-Անի Սուրբ Փրկիչ եկեղեցու պահպանման աշխատանքներ>> նախագծի համար, Սասնուհի Մշլյանը,  Դավիթ Այնալը, Գևորգ Օսկարագյօզը, Ժան Գավրիլովը և <<ՀայՃար>> միության նախագահ Նազար Բինթալին: