Հոկտեմբերի 5-ին նշվեց ճարտարապետների միջազգային օրը
Հոկտեմբերի 5-ին ՀՀ կառավարության նիստերի դահլիճում Ճարտարապետների միջազգային օրվա կապակցությամբ շնորհավորական ուղերձով հանդես եկան ՀՀ վարչապետ Հովիկ Աբրահամյանը, Երևանի քաղաքապետ Տարոն Մարգարյանը, ՀՀ քաղաքաշինության նախարար Նարեկ Սարգսյանը, ՀՀ սփյուռքի նախարար Հրանուշ Հակոբյանը: Շնորհավորանքներից զատ մի շարք հայ և սփյուռքահայ ճարտարապետների հանձնվեցին մեդալներ, դիպլոմներ և շնորհակալագրեր: Ճարտարապետների միջազգային օրվա կապակցությամբ, ինչպես նաև ճարտարապետության և քաղաքաշինության բնագավառում ներդրած նշանակալի ավանդի համար ՀՀ վարչապետի հուշամեդալով են պարգևատրել Ճարտարապետության և շինարարության ազգային համալսարանի քաղաքաշինության ամբիոնի պրոֆեսոր, ճարտարապետության թեկնածու Աշոտ Կանայանը, ՀՀ վաստակավոր ճարտարապետ, ճարտարապետության պրոֆեսոր Ալբերտ Զուրաբյանը, ՀՀ վաստակավոր ճարտարապետ Լևոն Ղալումյանը:
Վարչապետի շնորհակալագրով են խրախուսվել Ճարտարապետության և շինարարության ազգային համալսարանի քաղաքաշինության ամբիոնի պրոֆեսոր, ճարտարապետության դոկտոր Արսեն Առուստամյանը և քաղաքաշինության նախարարության Ճարտարապետության ազգային թանգարան-ինստիտուտը: Սփյուռքում հայկական արվեստը տարածելու և ճանաչելի դարձնելու, ինչպես նաև իրենց ստեղծագործական գործունեությամբ Հայաստան-Սփյուռք գործակցության զարգացման գործում ներդրում ունենալու համար նախարար Հրանուշ Հակոբյանը ՀՀ սփյուռքի նախարարության «Արշիլ Գորկի» մեդալներով պարգևատրեց «Դունբեյթ» ընկերության համանախագահներ Րաֆֆի և Վիգեն Թարխանյաններին, որոնք «Թռչնոց բույն» որբանոցի «Արամ Պեզիքյան» թանգարանի նախագծման եւ դիզայներական աշխատանքների հեղինակներն են (Լիբանան), Ճարտարապետների և ճարտարագետների համահայկական ընկերակցությանը (համանախագահներ Գոհար և Վահե Թութունջյաններ, Քաթար), Իրանի հայ ճարտարապետների և ճարատարագետների միությանը (նախագահ Բեռնարդ Դրոր, Իրան) և «Հայճար» ճարտարապետների և ճարտարագետների միությանը (միության նախագահ Ժան Գավրիլոֆ, միության հիմնադիր, նախկին նախագահ Նազարեթ Բինաթլի, Թուրքիա): 
Երևանի քաղաքապետարանի ոսկե մեդալի արժանացավ ճարտարապետ Լևոն Վարդանյանը և ոսկե հուշամեդալի արժանացավ Ճարտարապետության ազգային թանգարան-ինստիտուտի աշխատակազմը՝ թանգարանի 25 ամյակի կապակցությամբ: Միջոցառումը այնուհետև շարունակվեց Ճարտարապետության ազգային թանգարան-ինստիտուտում՝ <<Մասունքներ… ծանոթ և անծանոթ Պալյանները>> խորագրով ցուցահանդեսի բացմամբ, որի ընթացքում ՀՀ քաղաքաշինության նախարար Նարեկ Սարգսյանը Ճարտարապետի միջազգային տոնի առթիվ ճարտարապետության, քաղաքաշինության, ճարատրապետության պատմության և տեսության բնագավառներում ունենցած ավանդի համար մի շարք ճարատարպետների պարգևատրեց «Տրդատ ճարտարապետ», «Մոմիկ ճարտարապետ» ոսկե մեդալներով ու ՀՀ քաղաքաշինության նախարարության շնորհակալագրերով:
ՀՀ քաղաքաշինության նախարարը շնորհակալագրեր հանձնեց նաև ԶԼՄ-ների մի խումբ ներկայացուցիչների՝ քաղաքաշինության և ճարտարապետության ոլորտի հիմնախնդիրների համակողմանի, արհեստավարժ և հետևողական լուսաբանման համար:
|
|
|
|
|
|
|
|
|
|