Քարերի գաղտնիքն ու հմայքը

Հայաստանի ճարտարապետության ազգային թանգարան-ինստիտուտը՝ Կանադայի <<Կամար>> ճարտարապետների և ճարտարագետների հանձնախմբի, Կանադայի հայ կանանց միության, Թեքեյան մշակութային միության, Հայկական բարեգործական ընդհանուր միության, Կանադայի հայ գործարարների միության, Քվեբեկի ճարտարապետների միության,  Համազգային հայ կրթական և մշակութային հանձնախմբի հետ համատեղ 2013 թվականի փետրվար-մարտ ամիսներին կազմակերպել և անցկացրել է մի շարք միջոցառումներ՝ նվիրված Անիի մայրաքաղաք հռչակման 1050-ամյա հոբելյանին: Բազմաթիվ միջոցառումների ցանկում իրենց առանձնահատուկ տեղն ու դերն ունեցան ցուցահանդեսներն ու դասախոսությունները, որոնք անցկացվել են Կանադայի՝ Մոնրեալ, Օտտավա և Տորոնտո քաղաքներում:

Անիի մայրաքաղաք հռչակման 1050-ամյա հոբելյանին նվիրված <<Քարերի գաղտնիքն ու հմայքը>> ցուցահանդեսի պաշտոնական բացումը տեղի է ունեցել 2013թ-ի մարտի 6-ին, Մոնրեալ քաղաքի Սեն-Լորանի Musée des maîtres et artisans du Quebec գեղակերտ թանգարանում: Ցուցահանդեսում բացման խոսքով հանդես են եկել  թանգարանի տնօրեն  Փիեր Վիլսոնը, կանադահայ ճարտարապետ, կանադահայ համայնքի ներկայացուցիչ,  գրող-հրապարակախոս Վրեժ-Արմեն Արթինյանը, ՀՀ հյուպատոսության կցորդ՝ Արամ Հակոբյանը, ցուցահանդեսի համադրող-հեղինակ, Հայաստանի ճարտարապետության ազգային թանգարան-ինստիտուտի տնօրեն՝ Աշոտ Գրիգորյանը,  և այլք:  Ցուցահանդեսին ներկա են գտնվել պաշտոնատար անձիք Մոնրեալի քաղաքապետարանից, տարբեր համայնքներից  և կազմակերպություններից,  արվեստագետներ, ճարտարապետներ և այլ հյուրեր:

Աշոտ Գրիգորյանը վերոհիշյալ քաղաքների մի շարք հայկական կենտրոններում հանդես է եկել դասախոսություններով, մասնավորապես նվիրված Անիի հազարամյա ճարտարապետությանն ու արվեստին, առանձին ցուցահանդեսներով ներկայացրել  իր գրաֆիկական աշխատանքները: Ծրագրվել է <<Քարերի գաղտնիքն ու հմայքը>> ցուցահանդեսը դարձնել շրջիկ, իսկ դասախոսությունների նյութերը հրատարկել առանձին պրակով:  Դասախոսությունները անցել են լեցուն դահլիճներում, ափոփվել են բուռն քննարկումներով և առաջարկություններով:

Կանադացիներն ու կանադահայերը դրական և ողջունելի են համարել ներկայացվող ծրագրերը, և ցանկություն հայտնել հետագայում ևս նմանատիպ միջոցառումներ  կազմակերպել՝  ըդգրկելով շատ ավելի ընդգրկուն տարբեր թեմաներ, ներկայացնելով հայ մշակութային ժառանգության բոլոր ժամանակաշրջանները:

 

Լուսանկարները ՃԱԹԻ-ի պահոցից և Ա.Գրիգորյանի անձնական արխիվից

 

 

 

 

Ճարտարապետության դոկտոր, պրոֆեսոր Աշոտ Գրիգորյանը դասախոսության ժամանակ	Ճարտարապետության դոկտոր, պրոֆեսոր Աշոտ Գրիգորյանը դասախոսության ժամանակ	Կանադահայ համայնքի ներկայացուցիչ,  գրող-հրապարակախոս Վրեժ-Արմեն Արթինյանը
Դասախոսությունները անցել են լեցուն դահլիճներում, ափոփվել են բուռն քննարկումներով և առաջարկություններով	Դասախոսությունները անցել են լեցուն դահլիճներում, ափոփվել են բուռն քննարկումներով և առաջարկություններով	Դասախոսությունները անցել են լեցուն դահլիճներում, ափոփվել են բուռն քննարկումներով և առաջարկություններով
<<Քարերի գաղտնիքն ու համայքը>> ցուցահանդես	Աշոտ Գրիգորյանի գրաֆիկական աշխատանքների ցուցահանդեսը	<<Քարերի գաղտնիքն ու համայքը>> ցուցահանդես