Ուսումնասիրեք մեր ցուցահանդեսների ամբողջական հավաքածուն, որը ցուցադրում է հայկական ճարտարապետական ժառանգությունն ու ստեղծագործությունը:
Ջիմ Թորոսյան. Գեղեցկության վարպետը
Ալեքսանդր Թամանյանի անվան ճարտարապետության ազգային թանգարան-ինստիտուտի «Թամանյան» ցուցասրահում բացվեց «Ջիմ Թորոսյան. Գեղեցկության վարպետը» ցուցահանդեսը՝ նվիրված անվանի ճարտարապետի ծննդյան 100-ամյակին։
Բացման խոսքով հանդես եկավ թանգարան-ինստիտուտի տնօրեն Զարուհի Հայրապետյանը՝ կարևորելով Ջիմ Թորոսյանի նշանակալի դերը 20-րդ դարի հայկական ճարտարապետության պատմության մեջ, նրա բացառիկ տաղանդը, ստեղծագործական լայն մտահորիզոնն ու ճարտարապետական հարուստ ժառանգությունը։
Այնուհետև ելույթ ունեցավ ցուցահանդեսի համադրող Կարեն Բալյանը՝ ներկայացնելով ցուցադրության գաղափարն ու բովանդակությունը, որից հետո համադրողական շրջայց անցկացրեց պատվավոր հյուրերի համար։
Միջոցառմանը ներկա էին ՀՀ քաղաքաշինության կոմիտեի նախագահ Եղիազար Վարդանյանը, Երևանի քաղաքապետ Տիգրան Ավինյանը, Կենտրոն վարչական շրջանի ղեկավար Պետրոս Պետոյանը, ինչպես նաև բազմաթիվ հյուրեր և ճարտարապետության ոլորտի ներկայացուցիչներ։
Ցուցահանդեսում ներկայացված են Ալեքսանդր Թամանյանի անվան ճարտարապետության ազգային թանգարան-ինստիտուտի հավաքածուից մինչ այժմ չցուցադրված բնօրինակ նախագծերից մի քանիսը, ընտանեկան արխիվից՝ ճարտարապետական կոթողների և քաղաքների համայնապատկերների գծանկարներ, ինչպես նաև անհատների անձնական արխիվներից հավաքագրված բացառիկ նյութեր։
Ցուցահանդեսը բաց կլինի մինչև օգոստոսի 23-ը։
Սիրով հրավիրում ենք բացահայտելու Ջիմ Թորոսյանի ստեղծագործական հարուստ աշխարհը։
Ապրիլի 29-ին տեղի ունեցավ Բաղդասար Արզումանյանի 110-ամյակին նվիրված ցուցահանդեսի հանդիսավոր բացումը: Բացման խոսքով ելույթ ունեցավ Ալեքսանդր Թամանյանի անվան ճարտարապետության ազգային թանգարան-ինստիտուտի տնօրեն` Զարուհի Հայրապետյանը: Խոսքով հանդես են եկել նաև Տեր Ասողիկ աբեղա Կարապետյանը, քանդակագործ Գետիկ Բաղդասարյանը, ճարտարապետ Կարեն Բալյանը, ճարտարապետ Բաղդասար Արզումանյանի թոռ` Աշոտ Արզումանյանը:
Շնորհակալություն ենք հայտնում թանգարանի բարեկամներին այս օրը մեզ հետ կիսելու համար:
Մարտի 3-ին Ալեքսանդր Թամանյանի անվան ճարտարապետության ազգային թանգարան-ինստիտուտի «Տրդատ» ցուցասրահում բացվեց «Ես հարյուր տարեկան եմ և այսօր էլ հաշվետու եմ» խորագիրը կրող ցուցահանդեսը՝ նվիրված ճարտարապետ Մարտին Միքայելյանի ծննդյան 100-ամյակին:
Ցուցահանդեսի բացմանը ողջույնի խոսքով հանդես եկան՝
Թանգարանի տնօրեն Զարուհի Հայրապետյանը,
Ցուցահանդեսի համադրող, ճարտարապետ Կարեն Բալյանը,
Մարտին Միքայելյանի որդիները՝ Արեգ և Ավետ Միքայելյանները,
Ճարտարապետներ Աշոտ Կանայանը և Կարեն Ռաշիդյանը:
Շնորհակալություն բոլոր հյուրերին ու այցելուներին մասնակցության համար։
Ցուցասրահը բաց է երեքշաբթիից կիրակի՝ ժամը 10:00-ից 17:00։
Հունվարի 15-ին Ալեքսանդր Թամանյանի անվան ճարտարապետության ազգային թանգարան-ինստիտուտի «Տրդատ» ցուցասրահում բացվեց «Երկիր կառուցած մարդը...» խորագիրը կրող ցուցահանդեսը՝ նվիրված Սոս Մանուկյանի ծննդյան 115-ամյակին:
Ցուցահանդեսի բացմանը ողջույնի խոսքով հանդես եկան՝ ՀՀ քաղաքաշինության կոմիտեի նախագահի տեղակալ Նունե Պետրոսյանը,, թանգարանի տնօրեն Զարուհի Հայրապետյանը, ճարտարապետներ Մկրտիչ Մինասյանը, Էմմա Պետրոսյանը,Սոս Մանուկյանի դուստրեր Համասփյուռ և Սեյրանուշ Մանուկյանները:
Ցուցահանդեսում ներկայացված են Ալեքսանդր Թամանյանի անվան ճարարապետության ազգային թանգարան-ինստիտուտի ֆոնդում գտնվող բացառիկ նմուշներ:
Շնորհակալություն ենք հայտնում բոլոր հյուրերին ու այցելուներին մասնակցության համար։
Նոյեմբերի 21-ին Ալեքսանդր Թամանյանի անվան ճարտարապետության ազգային թանգարան-ինստիտուտի «Տրդատ» ցուցասրահում բացվեց «Մոդեռնիզմ.վերելք» խորագիրը կրող ցուցահանդեսը՝ նվիրված Սպարտակ Կնտեխցյանի ստեղծագործական ժառանգությանը:
Ցուցահանդեսի բացմանը ողջույնի խոսքով հանդես եկան՝
թանգարանի տնօրեն Զարուհի Հայրապետյանը, ճարտարապետ Կարեն Բալյանը, արվեստաբան Ռուբեն Արևշատյանը, ճարտարապետ Աղասի Կնտեխցյանը:
Շնորհակալություն ենք հայտնում բոլոր հյուրերին ու այցելուներին մասնակցության համար։
Ցուցասրահը բաց է երեքշաբթիից կիրակի՝ ժամը 10:00-ից 17:00։
Հոկտեմբեր 15-ին, Ալեքսանդր Թամանյանի անվան ճարտարապետության ազգային թանգարան-ինստիտուտի հիմնադրման 35-ամյակին նվիրված միջոցառումների շրջանակում «Թամանյան» ցուցասրահում բացվեց «Նմուշներ Հայաստանի ճարտարապետության գանձարանից» խորագիրը կրող ցուցահանդեսը։
Ցուցահանդեսի բացմանը ողջույնի խոսքով հանդես եկան՝
ՀՀ քաղաքաշինության կոմիտեի նախագահ Եղիազար Վարդանյանը,
Թանգարանի տնօրեն Զարուհի Հայրապետյանը,
Թանգարանի գիտահետազոտական բաժնի ղեկավար, թանգարանի հիմնադիր տնօրեն Աշոտ Գրիգորյանը:
Ճարտարապետներ Գագիկ Գյուրջյանը, Սիրեկան Օհանյանը։
Հիմնադրման 35-ամյակի կապակցությամբ հուշամեդալներով, պատվոգրերով և շնորհակալագրերով պարգևատրվեցին թանգարանի մի շարք աշխատակիցներ և աջակիցներ։
«Հիշողության կիրառման տեսլականը՝ հազարաշենը մեր օրերում»
Եվրոպական ժառանգության օրերի շրջանակում Ալեքսանդր Թամանյանի
անվան ճարտարապետության ազգային թանգարան-ինստիտուտում բացվեց
«Հիշողության կիրառման տեսլականը՝ հազարաշենը մեր օրերում»
խորագրով ցուցահանդեսը:Ցուցահանդեսի բացմանը ողջույնի խոսքով հանդես եկան
ՀՀ քաղաքաշինության կոմիտեի նախագահի տեղակալ՝ Նունե Պետրոսյանը, թանգարանի տնօրեն՝
Զարուհի Հայրապետյանը, թանգարանի գիտահետազոտական բաժնի ղեկավար՝ Աշոտ Գրիգորյանը: Ցուցահանդեսի վերաբերյալ ներկաներից կարծիքներ կիսեցին
դրամագետ՝ Արմինե Զոհրաբյանը, Միլանի պոլիտեխնիկական համալսարանի դասախոսները և իրենց հիացմունքը հայտնեցին ներկաներից շատերը:
Ալեքսանդր Թամանյանի անվան ճարատարապետության ազգային թանգարան- ինստիտուտը և Լայն հայկական ճարտարապետական բիենալեն հանդես եկան համատեղ ցուցահանդեսով՝ «Երևանի հանրային տարածքները. անցյալ և ներկա» խորագրով,«Տրդատ» ցուցասրահում:
Ալեքսանդր Թամանյանի անվան ճարտարապետության ազգային թանգարան-ինստիտուտի «Տրդատ» ցուցասրահում բացվեց ճարտարապետ Արա Գևորգյանի «Դեպի ժամանակակից ճարտարապետություն» խորագիրը կրող ժամանակավոր ցուցահանդեսը։ Ցուցահանդեսի բացմանը ողջույնի խոսքով հանդես եկան՝ թանգարանի տնօրեն՝ Զարուհի Հայրապետյանը, ճարտարապետ՝ Արա Գևորգյանը, «Համազգային հայ կրթական և մշակութային միություն» Երևանի գրասենյակի տնօրեն՝ Ռուզան Առաքելյանը, «Համազգային հայ կրթական և մշակութային միություն» կենտրոնական վարչության ատենապետ՝ Զաքար Քեշիշյանը, կենտրոնական վարչության անդամներ՝ Տիգրան Պապիկյանը, Արտաշես Շահբազյանը: Ցուցահանդեսը եզրափակեց ճարտարապետ Արա Գևորգյանի կինը՝ Լիբանանի Երիտասարդության ու մարմնակրթության հարցերի նախկին նախարար, Բեյրութի «Զվարթնոց» հատուկ դաստիարակչության կենտրոնի տնօրեն՝ Վարդինե Օհանյանը։
2025 թվականի հուլիսին Ալեքսանդր Թամանյանի անվան ճարտարապետության ազգային թանգարան-ինստիտուտում բացվեց «Հայ գեղարվեստի թագուհին» խորագրով ցուցահանդեսը՝ նվիրված հայ ականավոր ճարտարապետ, ՀԽՍՀ արվեստի վաստակավոր գործիչ Ալեքսանդր Արամի Սահինյանի ծննդյան 115-ամյակին։ Ցուցահանդեսի բացմանը ողջույնի խոսքով հանդես եկան ՀՀ քաղաքաշինության կոմիտեի նախագահի տեղակալ՝ Նունե Պետրոսյանը, թանգարանի տնօրեն՝ Զարուհի Հայրապետյանը, ճարտարապետ Ալեքսանդր Սահինյանի դուստր՝ Գոհար Սահինյանը, թանգարանի գիտահետազոտական բաժնի ղեկավար՝ Աշոտ Գրիգորյանը։
Ալեքսանդր Արամի Սահինյանը հայ ճարտարապետության ականավոր և առանցքային դեր և նշանակություն ունեցող ճարտարապետներից է։
Ցուցահանդեսը մեկնարկ է հանդիսանում մեծանուն ճարտարապետի ազգանվեր և մշակութապահպան գործունեության հանրահռչակման` միտված լինելով վերարժևորելու Ալեքսանդր Սահինյանի մեզ թողած գիտական հարուստ ժառանգությունը։
