National Museum-Institute of Architecture after Alexander Tamanyan

Վերջին նորությունները

Հուշ-երեկո նվիրված Մարտին Միքայելյանի 100-ամյակին

30 մարտի, 2026 թ.

24.03.2026 թ. Ալեքսանդր Թամանյանի անվան ճարտարապետության ազգային թանգարան-ինստիտուտում տեղի ունեցավ հուշ-երեկո՝ նվիրված ճարտարապետ Մարտին Միքայելյանի 100-ամյակին։ Բացման խոսքով հանդես եկան թանգարան-ինստիտուտի տնօրեն՝ Զարուհի Հայրապետյանը, ՀՀ Քաղաքաշինության կոմիտեի նախագահի տեղակալ՝ Նունե Պետրոսյանը, հուշ-երեկոն վարեց ասմունքող Աննա Միքայելյանը։ Երեկոյի ընթացքում այցելուները հնարավորություն ունեցան բացահայտել ճարտարապետին ոչ միայն որպես վարպետ, այլև որպես անհատականություն․ հնչեցին հատվածներ «Իմ անցած ուղին» ինքնակենսագրությունից, ցուցադրվեցին տեսանյութեր՝ գործընկերների և ընկերների հիշողություններով, ելույթ ունեցավ արվեստագետ Ռուբեն Արևշատյանը։ Երեկոյի ամենահուզիչ պահերից էին Մարտին Միքայելյանի երեք որդիների՝ Արմենի, Արեգի և Ավետի ելույթները, որոնք կիսվեցին անձնական հիշողություններով՝ ներկայացնելով նրան որպես հայր, ուսուցիչ և ընկեր։ Երեկոյի ավարտին տեղի ունեցավ Ավետ Միքայելյանի հեղինակած՝ Մարտին Միքայելյանի կյանքին և ստեղծագործությանը նվիրված գիրք-կատալոգի շնորհանդեսը։ Շնորհակալություն բոլորին, ովքեր մեզ հետ կիսեցին այս կարևոր և ջերմ երեկոն։

Հուշ-երեկո նվիրված Մարտին Միքայելյանի 100-ամյակին

Ավելին →

Դասախոսություն

23 մարտի, 2026 թ.

20.03.2026 թ. Ալեքսանդր Թամանյանի անվան ճարտարապետության ազգային թանգարան-ինստիտուտի «Տրդատ» ցուցասրահում անցկացվեց դասախոսություն՝ նվիրված ճարտարապետ Մարտին Միքայելյանի 100-ամյակին։ ◇Ողջույնի խոսքով հանդես եկավ թանգարանի տնօրեն` Զարուհի Հայրապետյանը։ ◇Դասախոսություններով հանդես եկան ցուցահանդեսի համադրող՝ ճարտարապետ Կարեն Բալյանը, ճարտարապետ Աշոտ Կանայանը։ ◇Դասախոսությանը ներկա ուսանողները միջոցառման ավարտին մասնակցեցին անակնկալ վիկտորինայի և, որպես նվեր, ստացան Մարտին Միքայելյանի 100-ամյակին նվիրված կատալոգը, որը տրամադրվել էր ճարտարապետի որդու՝ Ավետ Միքայելյանի կողմից։ Միջոցառումը անցավ ջերմ և հետաքրքիր մթնոլորտում:

Ավելին →

Բաց դասախոսություն

18 մարտի, 2026 թ.

20.03 16:00-ին սիրով հրավիրում ենք Ձեզ մասնակցելու Ալեքսանդր Թամանյանի անվան ճարտարապետության ազգային թանգարան-ինստիտուտի «Տրդատ» ցուցասրահում կազմակերպվելիք դասախոսությանը՝ նվիրված ճարտարապետ Մարտին Միքայելյանի 100-ամյակին: Մուտքն ազատ է:

Ավելին →

Գրքի շնորհանդես

18 դեկտեմբերի, 2025 թ.

Դեկտեմբերի 17-ին Ալեքսանդր Թամանյանի անվան ճարտարապետության ազգային թանգարան-ինստիտուտում տեղի ունեցավ Բյուրականի աստղադիտարանի Պատմամշակութային աստղագիտություն բաժնի ղեկավար Հայկ Մալխասյանի հեղինակությամբ հրատարակված «Հայաստանի վիմակերտ աստղադիտարանը՝ Զորաց քարեր. աստագիտական նկարագիր և շրջայցի ուղեցույց» գրքի շնորհանդեսը ։

Ավելին →

Ֆիլատելիստական ցուցահանդես

6 դեկտեմբերի, 2025 թ.

Նոյեմբերի 27-ին Ալեքսանդր Թամանյանի անվան ճարտարապետության ազգային թանգարան-ինստիտուտում տեղի ունեցավ Ֆիլատելիստների հայկական ասոցիացիայի կողմից կազմակերպված «Հանրապետական ֆիլատելիստական ցուցահանդես՝ նվիրված զբոսաշրջությանը Հայաստանում»։ Միջոցառման շրջանակներում հատուկ դրոշմակով մարվեց բացիկ՝ նվիրված Ֆիլատելիստական ցուցահանդեսին:

Ավելին →

«Ճարտարապետական ժառանգություն, պահպանություն և հեռանկարներ» միջազգային գիտաժողով

6 դեկտեմբերի, 2025 թ.

Հոկտեմբերի 13-14-ին Ալեքսանդր Թամանյանի անվան ճարտարապետության ազգային թանգարան-ինստիտուտում, թանգարանի հիմնադրման 35-ամյակի միջոցառումների շրջանակում, տեղի ունեցավ «Ճարտարապետական ժառանգություն, պահպանություն և հեռանկարներ» խորագրով միջազգային գիտաժողովը: Գիտաժողովում ներկայացված էին ինչպես Հայաստանի, այնպես էլ արտասահմանյան գիտահետազոտական կազմակերպությունների ներկայացուցիչներ և անկախ հետազոտողներ: Գիտաժողովի բացմանը ողջույնի խոսքով հանդես եկան՝ ՀՀ քաղաքաշինության կոմիտեի նախագահի տեղակալ Նունե Պետրոսյանը, Թանգարանի տնօրեն Զարուհի Հայրապետյանը, Թանգարանի գիտահետազոտական բաժնի ղեկավար Աշոտ Գրիգորյանը: Շնորհակալություն մասնակիցներին մասնակցության համար:

«Ճարտարապետական ժառանգություն, պահպանություն և հեռանկարներ» միջազգային գիտաժողով

Ավելին →

Պանելային քննարկում

6 դեկտեմբերի, 2025 թ.

Օգոստոսի 4-ին Ալեքսանդր Թամանյանի անվան ճարտարապետության ազգային թանգարան-ինստիտուտի «Թամանյան» ցուցասրահում տեղի ունեցավ պանելային քննարկում ARCHCOOP և դ‘Արվեստանոց ճարտարապետական ստուդիաների կողմից կազմակերպված «Ստեղծելով ձևը» և «Շենքեր, որոնք ստվերներ չեն գցում» խորագրերը կրող ցուցահանդեսների վերաբերյալ:

Ավելին →

Թանգարանային գիշեր 2025

6 դեկտեմբերի, 2025 թ.

Թանգարանների գիշերը Ալեքսանդր Թամանյանի ճարտարապետության ազգային թանգարան-ինստիտուտում:

Ավելին →

Պանելային քննարկում

5 դեկտեմբերի, 2025 թ.

Ապրիլի 26-ին Ալեքսանդր Թամանյանի անվան ճարտարապետության ազգային թանգարան-ինստիտուտի «Թամանյան» սրահում տեղի ունեցավ պանելային քննարկում «Հայաստանի ճարտարապետությունը 20-21-րդ դարերում» խորագրով։ Այս միջոցառումը կազմակերպվել էր թանգարանում գործող նույնանուն ցուցահանդեսի շրջանակում: Բացման խոսքով հանդես եկավ թանգարանի տնօրեն Զարուհի Հայրապետյանը։ Քննարկմանը մասնակցում էին թանգարանի գիտահետազոտական բաժնի ղեկավար, ճարտարապետ Աշոտ Գրիգորյանը, ճարտարապետ Կարեն Բալյանը, ինչպես նաև snkh և Storaket ճարտարապետական ստուդիաների ներկայացուցիչները։ Պանելային ձևաչափով հանդիպումը վերածվեց ակտիվ քննարկման՝ մասնակիցների և լսարանի անմիջական երկխոսության շնորհիվ։

Ավելին →

Գիրք նվիրելու օր

5 դեկտեմբերի, 2025 թ.

Գիրք նվիրելու օրը մեր թանգարանում:

Ավելին →