Թանգարանների գիշեր

Ալեքսանդր Թամանյանի անվան ճարտարապետության ազգային թանգարան–ինստիտուտում «Թանգարանների գիշեր» միջազգային ամենամյա միջոցառման շրջանակում իրականացվեց «Միասնության իմ բանալին» ինտերակտիվ ծրագիրը։ Այցելուները ոչ միայն շրջեցին թանգարանի «Թամանյան» և «Տրդատ» ցուցասրահներում, այլև դարձան խորհրդանշական գործողության մասնակից․ բացելով ինստալացիայի փոքրիկ դռնակները՝ նրանք գրեցին իրենց մտքերը, ցանկություններն ու պատասխանները այն հարցին, թե որն է իրենց միասնության բանալին։ Շնորհակալ ենք բոլորին մասնակցության և ջերմ մթնոլորտի համար: